Norse · Anglo-Saxon Poetry · 108 of 343
Riddle 66
Old English originals (Anglo-Saxon Poetic Records)
✦
Ic eom mare þonne þes middangeard, læsse þonne hondwyrm, leohtre þonne mona, swiftre þonne sunne. Sæs me sind ealle flodas on fæðmum ond þes foldan bearm, grene wongas. Grundum ic hrine, helle underhnige, heofonas oferstige, wuldres eþel, wide ræce ofer engla eard, eorþan gefylle, ealne middangeard ond merestreamas side mid me sylfum. Saga hwæt ic hatte.