Riddle 91

Min heafod is homere geþuren, searopila wund, sworfen feole. Oft ic begine þæt me ongean sticað, þonne ic hnitan sceal, hringum gyrded, hearde wið heardum, hindan þyrel, forð ascufan þæt mines frean mod ᚹ freoþað middelnihtum. Hwilum ic under bæc bregde nebbe, hyrde þæs hordes, þonne min hlaford wile lafe þicgan þara þe he of life het wælcræfte awrecan willum sinum.