The Meters of Boethius: Meter 14

Hwæt bið ðæm welegan woruldgitsere on his mode ðe bet, þeah he micel age goldes and gimma and gooda gehwæs, æhta unrim, and him mon erigen scyle æghwelce dæg æcera ðusend, ðeah ðes middangeard and þis manna cyn sy under sunnan suð, west and east his anwalde eall underðieded? Ne mot he þara hyrsta hionane lædan of ðisse worulde wuhte þon mare, hordgestreona, ðonne he hiðer brohte.